الموسم الأول
17
الجمعة، 18 مارس 2016
محمد بن الذيب - يالوزير الأولي يا محمد الغنوشي
يالوزير الأولـي يامحمـد الغنّوشـي،،،
لو حسبنا سلطتك ماهيـب دستوريّـه
مابكينا بن علـي ولا بكينـا عصـره،،،
نعتبرهـا لحظـةٍ بالعمـر تاريخيـه
دكْتاتوريـة نظـام القمـع وإستبـداده،،،
أعلنت تونس عليه الثـوره الشعبيـه
إن ذممنا مانـذم إلا حقيـر وواطـي،،،
وإن مدحنا نمدح بقناعـةٍ شخصيـه
أجج الثورة بـدم الشعـب ياثائرهـا،،،
وإنحت انقاذ الشعوب لكل نفسٍ حيّـه
قلهم في قول من كفنـه تشلّـه كفـه،،،
كل نصرٍ تستبقه أحـداث مأساويـه
آه عقبال البلاد اللي جهـل حاكمهـا،،،
يحسب إن العزّ بالقـوات الامريكيـه
وآه عقبال البلاد اللي شعَبْهـا جايـع،،،
والحكومه تفتخر في طفـرة الماليـه
وآه عقبال البلاد اللي تنـام مواطـن،،،
معك جنسيه وتصبح مامعـك جنسيـه
وآه عقبال النظام القمعـي المتـوارث،،،
لا متى وأنتم عبيـد النزعـه الذاتيـه
وإلى متى والشعب مايدري بقيمة نفسه،،،
هذا ينصـب ذا وأرائه كلهـا منسـيـه
ليه مايختار حاكم بالبلـد يحكـم لـه،،،
خلص من نظام السلطـه الجبريـه
علّم اللي مرضيٍ نفسه ومزعل شعبـه،،،
بكره يجلّس بدالـه واحـد بكرسيـه
لا يحَسْب إن الوطن بإسْمه وبإسم عياله،،،
الوطن للشعب وأمجاد الوطن شعبيـه
رددوا والصوت واحد للمصير الواحـد،،،
كلنا تونس بوجـه النخبـه القمعيـه
الحـكومات العــربيـة ومـن يحكمهـا،،،
كلهـم بـلا إستثنـاء حَراميـه
السؤال اللي يؤرّق فكـرة المتسائـل،،،
لن يجد إجابته من كم جهـة رسميـه
دامها تستورد من الغرب كل أشيـاءه
ليه ما تستورد القانون و الحريه
الاشتراك في:
الرسائل (Atom)