تأجير الشغاله في رمضان

وحده تقول عندي شغالة سيريلانكية تقول قبل رمضان العأم الماضي بيوم قمنا الصبح ولا الشغالة هاجة من البيت دورنا وسالنا الجيران ما أحد شافة تقول عندي عيال صغيرين وبنت بالثانوي يوم قامت بنتي علمناه بالشغالة وبدت تمثل علينا وتحسب عليه وقالت ان شاء الله يمه انك ماتحتاجين له وصدق من دخل رمضان الى ان خلص وهي شايلة البيت والله اني قلت ياليته من زمان هاجة 

المهم يوم العيد رحت أنا وزوجي للصلاة وقلت لبنتي لبسي اخوانك  وانتي تلبسي  واجهزي نروح لعيد اهلي 

تقول يوم صلينا وجينا للبيت دخلت  بسم الله الرحمن الرحيم ولا الشغالة بالمطبخ بديت انادي زوجي وعيالي وأنا ماني مصدقة وقعدت اسأله وين رحتي ومنين جيتي بس تهزبراسة ولا ندري وش تقول .وكل من قلت له قعدوا يضحكون

بعد العيد بمدة  اشوف بنتي تصرف فلوس وكل ما اسألة تقول جامعتهم   

رحنا مره للسوق والله ما اشوفة تشحذ من زمان كنأ لا طلعنا للسوق كلن يسمع صراخنا لكن المرة ما طلبت ولا ريال وشرت بلايز  وتنانير واكسسوارات شكيت قلت لايصير أحد لاعب عليه الله يستر تقول ما صدقت اني وصلت البيت الهواجيس براسي ..

تقول حطنا ابونا بالبيت وراح وتقول واسحبه للغرفة قلت علمين منين لك الفلوس أحسن لك والا والله لا اخلي ابوك يذبحك المهم قالت ابقول لك بس على شرط ماتعلمين أحد 

قالت تخبرين الشغاله يوم تحسبونه هاجة لا ما جهت أنا أجرته لأهل صديقتي كانت دايم تسأل وتقول ماتعرفين أحد ياجر شغالات برمضان وسألته بكم يستاجرونه الناس قالت أحد بثلاثة الاف واحد بخمسة على حسب ،،، االمهم دخلت الفكره براسي واتفقت معهم ياخذونه قبل رمضان ويرجعونه يوم العيد واخذت منهم 5 الاف وهذاي اشتغلت لك برمضان أحسن من شغله تقول مادري اضحك مادري اصرخ عاد وتوعدته ما تعيده انتبهوا لبنانكم ،،، 

وسلامتكم ،،، اختكم أم راشد ✋